Pirofeesar Gabbisaa Ejjetaa Badhaasa Meedaliyaa Argatan

Akkuma beekamu Oromoon gootota, hayyootaa fi namoota qaroo hedduu addunyaaf gumaachitee jirti. Namoota baayyee maqaa isaanii kaasnee dubbachuun ammaaf nutti ulfaatus, har’a garuu Seenaa xiqqoo professor Gebissa ejeta isiniif qoodna.

” Ilma kiyya qarshii 3 kanfalee barsiisuu hin danda’u qarshii 1 naaf taasisaa !”.
Harmee prof Gabbisaa Ejjetaa

Godina Shawaa lixaatti Finfinnee irraa 62km irratti kan argamtu Olonkomiitti bara 1942 dhalate. Umrii daa’imummaa irra osoo jiruu maatiin isaa gargar bahuun harmeen isaa Isa guddisuuf hedduu rakkatte. Ijoolleen isaan walqixa ta’an gara mana barumsaa Qeesii yoo seenan anis seenu malee jechuun ishee rakkisus kanfaltiin waan itti cimeef gara Qeesichaa deemtee ” Ani homaa hin qabu kanfaltii barnootaa mucaa kiyyaa qarshii 3 argachuu hin danda’u akkuma hiriyoota isaa haa baratu qarshii 1 naa taasisaa !” jetteet kadhatte. Barsiisichis tole jedheefii Pirofeesarichi tokko jedhee barumsa eegale.

Hanga kutaa 7tti achuma mana barumsa qeesii naannawaa sanatti argamutti barate. Kutaan 8 toora sana waan hin jirreef 20 km miilaan deemee barate. Barumsa sadarkaa lammaffaa koolleejjii Qonnaa jimmaatti barate. Digirii jalqabaa saayinsii biqilootaan Yuunivarsiitii Haramaayaatti 1965 barate. 1968 Yuunivarsiitii Ameerikaa Pardu irraa digirii 3ffaa fudhate.

Qorannoowwan 200 ol hojjeteera, kitaabota 4 katabeera. Waggoota 28 ol Yuunivarsiitii Ameerikaa pardu tajaajileera. Dhaabbilee garaagaraa 70 keessa tajaajileera.
Hojii isaa kanaaf badhaasota gurguddaa akka biyyaa , Ardii fi addunyaatti kennaman 17 ol fudhateera.
Bara 2009 World Food Nobel Prize badhaafamuun nama Afrikaa lammaffaa ta’eera.

• Africa Nationality Science Hero Award qorattoota 7 keessaa nama tokko ta’eera. Tibbanammoo badhaasa Guddaa lammii Ameerikaaf kennamu Pirezidaantii Ameerikaa Jo Biden irraa medaaliyaa fi maallaqa doolaara miliyoona 5 argateera.

Looreetii Addunyaa Professor Gabbisaa Ejjetaa

Bilisa Negash