Saxaxni ( Design) Seensa magaalaa Amboo ifoome.

Magaalaan Amboo Godina Shawaa lixaatti kan argamtu yoo taatu, magaalaa umrii fi seenaa hedduu qabdudha. Magaalaan Amboo wiirtuu qabsoo, Aadaa siyaasaa fi akkasumas bakka Qiyyaafannaa siyaasaa( Strategic) taatee bara hedduuf turtee jirti.
Magaalaa Amboo
Seensi magaalaa Amboo Hojiin isaa Guyyaa Har’a ifaatti Eegalee jira.
Sangantaa Jalqabsiisa Ijaarsa Seensa Bulchiinsa Magaalaa Amboo
Onkoloolessa 01/2016 WK_BMA-Bulchiinsa Magaalaa Ambootti Sirni jalqabsiisa Ijaarsa Seensa Bulchiinsa Magaalaa Amboo Naannoo Meexxiitti bakka Kantiibaa Bulchiinsa Magaaliichaa Obboo Acaaluu Gammachuu fi Bulchaan Bulchiinsa Godina Sh/Lixaa Obbo Didhaa Guddataa Akkasumas Koreen misooma Magaalaa Amboo fi Hoggansi magaalichaa argamanitti Kontiraaktara fudhateetti keenbame.
Kantibaan Bulchiinsa Magaalaa Amboo Obboo Acaaluu Gammachuu Sagantaa jalqabsisa Ijaarsa Seensa Bulchiinsa Magaalaa Amboo irratti hasawaa baniinsa taasisaniin Waaqayyoo guyyaa kanaan nu gahee ni galateeffatanii jalqaba Seensa Amboo eegalleerra yeroo gabaabatti akka xummuramus dhaamaniiru.
Amboo misooma ishiin sirnoota darbaniin miidhamtee turte jijjirama barii Mul’ataa Koree Misooma Ambootin akkasumas fedhee misoomaa hawaasni qabuun hojiileen garagaraa hojjatamaa jira jedhanii tolaan Seensa Amboo hojjatu Dhaabbata OCC galateeffataniiru.
Bulchaan Bulchiinsa Go/Shawaa Lixaa Ob.Didhaa Guddataa Sangantaa Jalqabsiisa Ijaarsa Seensa Amboo irratti argamanii hojii guddaadha jedhan.
Misoomaaf hawaasni abbaadha, Abbootiin qabeenyammoo gahee leencaa taphatu kanaaf guddina magaalaaf tumsi hunda murteessaadha jedhan.
Hojii bonsaa hawaasaaf hojjanna carraan Amma qabdu Carraa itti Amboo waliin taanee misoomsinuudha jedhaniiru.

baroota dheeraaf cunqursaa fi dhiibbaa siyaasaa jala kan turte Magaalaaan Amboo, amma hojiiwwan misoomaa boonsaan kanneen akka daandii guddicha magaaalaa Amboo, Siidaa Artist Hacaaluu Hundeessaa , Istaadiyoomii magaalaa Amboo fi kanneen kana fakkaatan hedduun hojjetamaa jiraachuun beekamaadha.